Galgit Baltistan Govt Scholarships for Female Students

 گلگت بلتستان حکومت کی جانب سے طالبات کے لیے اسکالرشپ پروگرام

حکومتِ گلگت بلتستان (ضلع دیامر) نے دور دراز اور پسماندہ علاقوں سے تعلق رکھنے والی طالبات کے لیے ایک خصوصی اسکالرشپ پروگرام کا اعلان کیا ہے۔ 

  اس پروگرام کا مقصد ان علاقوں میں لڑکیوں کی تعلیم کو فروغ دینا ہے جہاں میٹرک اور انٹرمیڈیٹ سطح کی تعلیم تک رسائی محدود یا موجود نہیں۔ اس اسکیم کے تحت نویں جماعت کی 25 طالبات کو منتخب کیا جائے گا تاکہ وہ اپنی تعلیم جاری رکھ سکیں۔

 *اہلیت:*
وہ طالبات جو ضلع دیامر کے مشکل علاقوں کی مستقل رہائشی ہوں اور نویں جماعت سیشن 2025-26 میں کسی سرکاری تعلیمی ادارے میں زیرِ تعلیم ہوں، درخواست دے سکتی ہیں۔ درخواست فارم متعلقہ ادارے کے سربراہ سے تصدیق شدہ ہونا ضروری ہے۔

 *اسکالرشپ فوائد:*
منتخب طالبات کو ماہانہ 8000 روپے وظیفہ دیا جائے گا، اور وہ اپنی تعلیم FA/FSc تک جاری رکھ سکیں گی۔

 *اہم شرائط:*
کم از کم 85% حاضری لازمی ہوگی، جبکہ والدین کی جانب سے ضمانتی مچلکہ بھی درکار ہوگا۔ انتخاب کا عمل میرٹ، آمدنی، تعلیمی کارکردگی اور انٹرویو کی بنیاد پر ہوگا۔

 *درخواست کا طریقہ:*
مطلوبہ دستاویزات کے ساتھ درخواست 15 دن کے اندر جمع کروائیں، جن میں فارم، والدین کا شناختی کارڈ، ڈومیسائل، داخلہ سرٹیفکیٹ، فارم-بی، تصاویر اور دیگر متعلقہ کاغذات شامل ہیں۔