How to Register for BISP Scholarships | Step by Step

بینظیر انکم سپورٹ پروگرام کے تحت تعلیمی وظائف کے لیے رجسٹریشن کا طریقہ بہت آسان ہے۔ اس پروگرام میں شامل ہونے کے لیے ضروری ہے کہ بچوں کی والدہ بینظیر کفالت پروگرام میں اہل ہو اور بچوں کا نادرا سے جاری کردہ ب فارم موجود ہو۔ رجسٹریشن کے لیے بچوں کو ساتھ لے کر قریبی بینظیر انکم سپورٹ پروگرام کے دفتر جائیں اور متعلقہ افسر کو بچوں کا ب فارم اور رجسٹرڈ موبائل نمبر فراہم کریں، جس کے بعد آپ کو انرولمنٹ سلپ دی جائے گی۔

▪️اس سلپ کو بچوں کے سکول سے مکمل کروانا ہوتا ہے، جس میں کلاس ٹیچر اور ہیڈ ٹیچر کی معلومات درج کرنا لازمی ہے۔ سکول سے تصدیق کے بعد یہ سلپ دوبارہ بینظیر دفتر میں جمع کروائیں۔ بچوں کی عمر کے لحاظ سے کلاسیں مقرر ہیں، جیسے 4 سے 12 سال پرائمری، 13 سے 18 سال سیکنڈری اور 18 سے 22 سال ہائیر سیکنڈری تعلیم کے لیے ہیں۔ رجسٹریشن مکمل ہونے کے بعد بچوں کو تعلیمی وظیفہ دیا جاتا ہے۔

▪️وظیفہ ہر تین ماہ بعد دیا جاتا ہے جس میں پرائمری، سیکنڈری اور ہائیر سیکنڈری سطح کے لیے مختلف رقم مقرر ہے، اور بچیوں کو پرائمری مکمل کرنے پر 3000 روپے کا اضافی بونس بھی ملتا ہے۔ اس وظیفہ کے لیے بچوں کی سکول میں کم از کم 70 فیصد حاضری ضروری ہے، اور اگر بچہ سکول تبدیل کرے تو اس کی اطلاع بینظیر انکم سپورٹ پروگرام کو دینا لازمی ہے۔